by Violet Jacob (1863 - 1946)
The Gowk
Language: English
I see the Gowk an' the Gowk sees me Beside a berry-bush by the aipple-tree. Old Scots Rhyme. 'Tib, my auntie's a deil to wark, Has me risin' 'afore the sun; Aince her heid is abune her sark Then the clash o' her tongue's begun! Warslin', steerin' wi' hens an' swine, Naucht kens she o' a freend o' mine - But the Gowk that bides i' the woods o' Dun He kens him fine! Past the yaird an' ahint the stye, O the aipples grow bonnilie! Tib, my auntie, she canna' spy Wha comes creepin' to kep wi' me. Aye! she'd sort him, for, dod, she's fell! Whisht nou, Jimmie, an' hide yersel' An' the wice-like bird i' the aipple-tree He winna' tell! Aprile-month, or the aipples flower, Tib, my auntie, will rage an' ca'; Jimmie lad, she may rin an' glower - What care I? We'll be far awa'! Let her seek me the leelang day, Wha's to tell her the road we'll gae? For the cannie Gowk, tho' he kens it a', He winna' say!
Authorship:
- by Violet Jacob (1863 - 1946), "The Gowk" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Humphrey Procter-Gregg (1895 - 1980), "The Gowk" [voice and piano] [text not verified]
Researcher for this page: Mike Pearson
This text was added to the website: 2016-06-13
Line count: 27
Word count: 177