by Gace Brulé (c1160 - 1213)
Cant voi l’aube
Language: French (Français)
Cant voi l’aube dou jor venir, Nulle rien ne doi tant haïr, K’elle fait de moi departir Mon amin, cui j’ain per amors. Or ne hais riens tant com le jour, Amins, ke me depairt de vos. Je ne vos puis de jor veoir, Car trop redout l’apercevoir, Et se vos di trestout por voir K’en agait sont li enuious. Or ne hais riens tant come le jour, Amins, ke me depairt de vos. Quant je me gix dedens mon lit Et je resgairde encoste mi, Je n’i truis poent de mon amin, Se m’en plaing a fins amerous. Biaus dous amis, vos en ireis; A Deu soit vos cors comandeis. Por Deu vos pri, ne m’oblieis! Je n’ain nulle rien tant com vos. Or ne hais riens tant come le jour, Amins, ke me depairt de vos.
Authorship:
- by Gace Brulé (c1160 - 1213) [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Caroline Shaw (b. 1982), "Cant voi l’aube" [ voice and string quartet ] [sung text not yet checked]
Researcher for this page: Joost van der Linden [Guest Editor]
This text was added to the website: 2023-04-05
Line count: 22
Word count: 138