by Raffaele Sacco (1787 - 1872)
Te voglio bene assaje
Language: Italian - Neapolitan (dialect)
'Nzomma songh'io lo fauzo? Appila, sié' maesta: Ca ll'arta toja è chesta Lo dico 'mmeretá. Io jastemmá vorría lo juorno che t'amaje! Io te voglio bene assaje... e tu nun pienze a me! Pecché quanno mme vide, te 'ngrife comm'a jatt'? Nenné', che t'aggio fatto, ca nun mme puó' vedé?! Io t'aggio amato tanto... Si t'amo tu lo ssaje! Io te voglio bene assaje... e tu non pienze a me! La notte tutti dormono, ma io che vuó' durmire?! Penzanno a nénna mia, mme sento ascevolí! Li quarte d'ora sonano a uno, a duje, a tre... Io te voglio bene assaje... e tu non pienze a me! Recòrdate lo juorno ca stive a me becino, e te scorréano, 'nzino, le llacreme, accossí!... Deciste a me: "Non chiagnere, ca tu lo mio sarraje..." Io te voglio bene assaje... e tu non pienze a me! Guárdame 'nfaccia e vide comme sòngo arredutto: Sicco, peliento e brutto, nennélla mia, pe' te! Cusuto a filo duppio, co' te mme vedarraje... Io te voglio bene assaje... e tu non pienze a me! Saccio ca non vuó' scennere la grada quanno è scuro... Vatténne muro muro, appòjate 'ncuoll'a me... Tu, n'ommo comm'a chisto, addó' lo trovarraje? Io te voglio bene assaje... e tu non pienze a me! Quanno só' fatto cennere, tanno mme chiagnarraje... Tanno addimmannarraje: Nennillo mio addó' è?! La fossa mia tu arape e llá mme trovarraje... Io te voglio bene assaje... e tu non pienze a me!
Authorship:
- by Raffaele Sacco (1787 - 1872), written 1835 [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Anonymous/Unidentified Artist , "Te voglio bene assaje" [ voice and piano ] [sung text checked 1 time]
- by Gaetano Donizetti (1797 - 1848), "Te voglio bene assaje" [sung text not yet checked]
Available translations, adaptations or excerpts, and transliterations (if applicable):
- GER German (Deutsch) (Paul Heyse) , "Te voglio bene assaie", appears in Italienisches Liederbuch, in Volksthümliche Lieder, first published 1860
Researcher for this text: Emily Ezust [Administrator]
This text was added to the website: 2021-02-19
Line count: 56
Word count: 244