by John Skinner, the Reverend (1721 - 1807)
The ewie wi' the crooked horn
Language: English
O were I able to rehearse My ewie's praise in proper verse, I'd sound it out as loud and fierce As ever piper's drone could blaw: My ewie wi' the crookit horn, A' that kent her could ha' sworn, Sic a ewie ne'er was born Here about nor far awa'. Yet last week, for a' my keeping, -- I canna speak o't without greeting -- A villain came, when I was sleeping. Staw my ewie, horn and a'. I sought her sair upo' the morn; And, down aneath a buss o' thorn, I got my ewie's crookit horn; But my ewie was awa'. O had she died o' crook or cauld, As ewies die whan they grow auld, It wadna been by mony fauld Sae sair a heart to ane o's a': For a' the claith that we ha' worn, Frae her and her's sae aften shorn, The loss o' her we could ha'e born, Had fair strae death ta'en her awa'. But thus, poor thing! to lose her life Aneath a greedy villain's knife! I'm really fleyt that our guidwife Will never win aboon't ava'. O! a' ye bards benorth Kingorn, Call up your muses, let them mourn Our ewie wi' the crookit horn, Stown frae us, and fell'd and a'.
Glossary:
Researcher for this page: Ferdinando Albeggiani
Ewie = ewe
Kent = knew
Sic = such
Greeting = weeping
Staw = stole
Buss = bush
Claith = cloth
Fair strae death = a natural death
Fleyt = scared
Will never win aboon't ava' = will never recover from it at all
Authorship:
- by John Skinner, the Reverend (1721 - 1807) [author's text not yet checked against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by (Franz) Joseph Haydn (1732 - 1809), "The ewie wi' the crooked horn", JHW XXXII/3 no. 162, Hob. XXXIa no. 116bis [text verified 1 time]
Researcher for this page: Ferdinando Albeggiani
This text was added to the website: 2010-01-10
Line count: 32
Word count: 210