by Robert Tannahill (1774 - 1810)
Love's fear
Language: English
O sair I rue the witless wish, That gar'd me gang wi' you at e'en, And sair I rue the birken bush, That screen'd us wi' its leaves sae green. And though ye vow'd ye wad be mine, The tear o' grief aye dims my e'e, For O! I'm fear'd that I may tine The love that ye ha'e promis'd me! While ithers seek their e'ening sports, I wander, dowie, a' my lane, For when I join their glad resorts, Their daffing gi'es me meikle pain. Alas ! it was na' sae shortsyne, When a' my nights were spent wi' glee; But, O ! I'm fear'd that I may tine The love that ye ha'e promis'd me. Dear lassie, keep thy heart aboon, For I ha'e wair'd my winter's fee, I've coft a bonnie silken gown, To be a bridal gift for thee. And sooner shall the hills fa' down, And mountain-high shall stand the sea Ere I'd accept a gowden crown, To change that love I bear for thee.
Authorship:
- by Robert Tannahill (1774 - 1810), "Love's fear" [author's text checked 1 time against a primary source]
Musical settings (art songs, Lieder, mélodies, (etc.), choral pieces, and other vocal works set to this text), listed by composer (not necessarily exhaustive):
- by Margaret Ruthven Lang (1867 - 1972), "Love's fear", op. 20 (Six Scotch Songs für 1 voice with Pianoforte) no. 4, published 1895 [ voice and piano ], Leipzig, A.P. Schmidt [sung text checked 1 time]
Researcher for this page: Ferdinando Albeggiani
This text was added to the website: 2012-04-30
Line count: 24
Word count: 170